180 பயணிகளுடன் சென்ற விமானத்தில் நடுவானில் நடந்த பரபரப்பு சம்பவம்
இலங்கை
டுபாயில் இருந்து சுமார் 180 பயணிகளுடன் இஸ்ரேல் நோக்கி சென்ற விமானம் கடத்தப்பட்டுள்ளதாக சர்வதேசத் தகவல்கள் வெளியாகியுள்ளன.
புதன்கிழமையன்று (30) துபாயிலிருந்து டெல் அவிவ் நகருக்குச் சென்ற 'ஃப்ளைதுபாய்' (Flydubai) விமானம் ஒன்று, சவுதி அரேபிய வான்வெளியில் அவசர சமிக்ஞையை அனுப்பி தனது பயணப் பாதையை மாற்றிக்கொண்டதாக தகவல் வெளியிட்டுள்ளன.
இஸ்ரேலிய ஊடகங்கள் வெளியிட்ட விமானப் போக்குவரத்துத் தரவுகளின்படி, 'FZ1073' என்ற எண் கொண்ட இந்த விமானம் துபாய் சர்வதேச விமான நிலையத்திலிருந்து டெல் அவிவ் அருகிலுள்ள பென் குரியன் விமான நிலையத்திற்குச் சென்று கொண்டிருந்தபோது, சர்வதேச அவசரநிலைக் குறியீடான '7700'-ஐ அனுப்பியது.
இது விமானக் கடத்தலைக் குறிக்கும் சர்வதேச அளவில் அங்கீகரிக்கப்பட்ட குறியீடாகும்.இருப்பினும், விமானத்தைக் கடத்தும் முயற்சி எதுவும் நடைபெறவில்லை என்று 'டைம்ஸ் ஆஃப் இஸ்ரேல்' (Times of Israel) செய்தி வெளியிட்டது.
விமானத்தின் காக்பிட்டில் (விமானி அறை) விமானிகளுக்கு இடையே ஏற்பட்ட கடுமையான வாக்குவாதத்தின்போது இந்த அவசர சமிக்ஞை செயல்படுத்தப்பட்டதாகத் தகவல்கள் தெரிவிக்கின்றன.
ஆனால், பயணப் பாதை மாற்றப்பட்டதற்கும் அவசர சமிக்ஞை அனுப்பப்பட்டதற்கும் ஆன அதிகாரப்பூர்வ காரணம் இன்னும் உறுதிப்படுத்தப்படவில்லை.
அதேவேளை விமானக் கடத்தல் காரணமாக அல்லாமல், காக்பிட்டில் விமானிகளுக்கு இடையே ஏற்பட்ட கடுமையான வாக்குவாதத்தின்போதே இந்த அவசர சமிக்ஞை செயல்படுத்தப்பட்டதாக இஸ்ரேல் தரப்பில் மதிப்பிடப்பட்டுள்ளதாகவும் செய்தி வெளியாகியுள்ளது.
விமானத்தில் சுமார் 180 இஸ்ரேலியப் பயணிகள் இருந்ததாக 'ஹாரெட்ஸ்' (Haaretz) செய்தி வெளியிட்டுள்ளது. இந்த எச்சரிக்கையைத் தொடர்ந்து இஸ்ரேலிய விமானப்படையின் போர் விமானங்கள் உடனடியாகப் பணியில் ஈடுபடுத்தப்பட்டதாக சிஎன்என் (CNN) செய்தி வெளியிட்டுள்ளது.
அவசரநிலையை அறிவித்து டெல் அவிவ் செல்லும் விமானம் சவுதி விமான நிலையத்தில் தரையிறங்கியதால், விமானக் கடத்தல் முயற்சி நிராகரிக்கப்பட்டது. அவசரநிலையை அறிவித்து டெல் அவிவ் சென்ற ஃப்ளைதுபாய் விமானம் சவுதி விமான நிலையத்தில் தரையிறங்கியதால், விமானக் கடத்தல் இல்லை என கூறப்படுள்ளது.
துபாயிலிருந்து டெல் அவிவ் சென்ற ஃப்ளைதுபாய் விமானம், அவசரநிலை சமிக்ஞையை அறிவித்த நிலையில், சற்று நேரத்திற்கு முன்பு சவுதி அரேபியாவின் தபூக் விமான நிலையத்தில் தரையிறங்கியது.
விமானத்தில் இருந்த விமானிகளுக்கு இடையே ஏற்பட்ட வாக்குவாதத்தின் காரணமாகவே, விமானம் "சட்டவிரோத குறுக்கீடு" மற்றும் மற்றொரு பொது அவசரநிலை சமிக்ஞையை வெளியிட்டது என இஸ்ரேலிய பாதுகாப்பு வட்டாரங்கள் தெரிவிக்கின்றன.
இஸ்ரேலிய விமானப்படைத் தலைவர் மேஜர் ஜெனரல் ஓமர் டிஷ்லர், செயல்பாட்டு இயக்குநரகத் தலைவர் மேஜர் ஜெனரல் இட்சிக் கோஹன் மற்றும் உளவுத்துறை இயக்குநரகத் தலைவர் மேஜர் ஜெனரல் ஷ்லோமி பைண்டர் உள்ளிட்ட மூத்த அதிகாரிகளுடன், இஸ்ரேலிய பாதுகாப்புப் படைத் தலைமைத் தளபதி லெப்டினன்ட் ஜெனரல் இயால் ஜமீர் இந்தச் சம்பவம் குறித்து மதிப்பீடு நடத்தியதாக இராணுவம் கூறுகிறது.
