மனதிற்கு பிடித்த பெண்ணை மணக்கும் சுல்தான் மகன்

தென்மேற்கு ஆசியாவில் தெற்கு சீன கடல் மற்றும் மலேசியாவால் சூழப்பட்ட மிக சிறிய இஸ்லாமிய நாடு, புருனே (Brunei). இதன் தலைநகரம், பந்தர் செரி பெகவான் (Bandar Seri Begawan).

1984ல் பிரிட்டிஷ் ஏகாதிபத்தியத்திலிருந்து விடுமுறை பெற்ற சுதந்திர நாடான புருனேயில் அரச குடும்ப ஆட்சிமுறை பின்பற்றப்படுகிறது. அங்கு எண்ணெய் வளம் மிக அதிகம். அதன் மக்கள் தொகை சுமார் 4,50,000.

உலகிலேயே பணக்கார நாடுகளில் முன்னிலையில் உள்ள நாடான புருனேயின் மன்னர் சுல்தான் ஹஸ்ஸனல் பொல்கியா (Sultan Hassanal Bolkiah).

மதின், தனது காதலியான யாங் முலியா அனிஷா ரோஸ்னா (Yang Mulia Anisha Rosnah) என்பவரை திருமணம் செய்து கொள்கிறார்.

அரச குடும்பத்தை சாராத 29 வயதானவரான அனிஷா, சாதாரண குடும்பத்தை சேர்ந்த பெண். மதினின் தந்தையின் முக்கிய ஆலோசகர்களில் ஒருவரின் பேத்தி.

இளவரசர் மதின், அந்நாட்டு ராணுவத்தில் ஹெலிகாப்டர் பைலட்டாக பணிபுரிகிறார். அனிஷா ஃபேஷன் துறையில் சொந்தமாக தொழில் செய்து வருகிறார்.

அந்நாட்டின் தங்க குவிமாடம் கொண்ட மசூதியில் இத்திருமணம் நடைபெறுகிறது.

திருமண நிகழ்ச்சிகள் 1,788 அறைகள் கொண்ட அரண்மனையில் பிரமாண்ட விழாவுடனும், திருமணத்திற்கு பிறகு பெரும் ஊர்வலத்துடனும் நடைபெற்று ஞாயிற்றுக்கிழமையன்று நிறைவடைகிறது.

உலகின் முக்கிய அரசியல் தலைவர்கள், பிரபலங்கள் இதில் பங்கேற்க உள்ளனர்.

மிக பிரமாண்டமாக நடக்கவுள்ள திருமண ஊர்வலத்தையும் மணமக்களையும் நேரில் காண அந்நாட்டு மக்கள் மிகுந்த ஆவலுடன் உள்ளனர்.