நிலக்கரி இறக்குமதி மோசடி - ஜனாதிபதி விசாரணை ஆணைக்குழுவின் பதவிக்காலம் நீடிப்பு

இலங்கை

நிலக்கரி இறக்குமதி மற்றும் மின்சார உற்பத்தியில் இடம்பெற்றிருக்கக்கூடிய முறைகேடுகள் அல்லது சட்டவிரோதச் செயல்கள் குறித்து விசாரணை நடத்துவதற்காக நியமிக்கப்பட்ட ஜனாதிபதி விசாரணை ஆணைக்குழுவின் பதவிக்காலம் 2026 டிசம்பர் 16 வரை நீட்டிக்கப்பட்டுள்ளது.

ஜனாதிபதி அநுரகுமார திஸாநாயக்க வெளியிட்ட வர்த்தமானி அறிவித்தலின் ஊடாக இந்த நீட்டிப்பு மேற்கொள்ளப்பட்டுள்ளது.

இந்த ஆணைக்குழுவின் பதவிக்காலம் 2026 ஒக்டோபர் 16 அன்று முடிவடைவதாக இருந்தது. 

இந்த நீட்டிப்பின் மூலம், தனது பணிகளைத் தொடர ஆணைக்குழுவுக்கு மேலதிகமாக இரண்டு மாத காலம் வழங்கப்பட்டுள்ளது.

இதற்கான வர்த்தமானி அறிவித்தலை ஜனாதிபதி 2026 ஏப்ரல் 17 அன்று வெளியிட்டார்.