தான் நினைத்து இயக்கியது ஒன்று. ரசிகர்களுக்கு அது சரியாக செல்லவில்லை 

சினிமா

தான் நினைத்து இயக்கியது ஒன்று. ரசிகர்களுக்கு அது சரியாக செல்லவில்லை என ஐஸ்வர்யா ரஜினிகாந்த் சமீபத்தில் பேட்டி கொடுத்து இருந்தார். அதுமட்டுமல்லாமல் ஐஸ்வர்யா டைரக்‌ஷனே ஒரு சொதப்பல் தான் என்ற ஆச்சரிய தகவல்களும் வெளியாகி இருக்கிறது.

ஐஸ்வர்யா ரஜினிகாந்த் இயக்கத்தில் சமீபத்தில் ரிலீஸான திரைப்படம் லால் சலாம். இப்படத்தில் விஷ்ணு விஷால், விக்ராந்த் ஆகியோர் முக்கிய கதாபாத்திரத்தில் நடித்திருப்பர். ரஜினிகாந்த் கேமியோ ரோலில் நடிப்பார் எனவும் கூறப்பட்டது. ஆனால் கடைசியில் படம் ரிலீஸாகி பார்த்தால் மொத்த படத்திலுமே ரஜினி தான் முழுமையாக இருந்தார்.

இதனால் அவர் படமாகவே லால் சலாம் இருந்தது. பெரிய அளவில் பேசப்படும் என எதிர்பார்க்கப்பட்ட லால் சலாம் மிகப்பெரிய அளவில் தோல்வியை தழுவியது. கிட்டத்தட்ட வசூல் மோசமடைந்தது மட்டுமல்லாமல் ஓடிடியில் கூட விற்பனை ஆகாமல் இருந்து வருகிறது. இதனால் ஐஸ்வர்யா மீது பெரிய அளவில் நெகட்டிவ் விமர்சனங்களும் எழுந்தது.

இதனையடுத்து, ஐஸ்வர்யாவின் சமீபத்திய பேட்டியில் ஐஸ்வர்யா சூப்பர்ஸ்டார் படத்துக்குள் வரும் போது கதை வேறு மாதிரியாக இருந்தது. அவர் வந்ததும் மொத்த கதையும் மாறிவிட்டது. அதற்காக நிறைய மாற்றம் செய்தோம். நான் மொத்த படத்தினை பார்த்தேன். ரசிகர்கள் முதல் பாதி, இரண்டாம் பாதியாக கதையை பிரித்து பார்க்கின்றனர். இது எனக்கு பாடம். இயக்குனராக இதை நான் கற்றுக்கொண்டேன் என்றார்.

இந்நிலையில் ரஜினிகாந்திடம் இன்னொரு கதையை ஐஸ்வர்யா சொல்லி இருந்ததாகவும் தகவல்கள் கசிந்துள்ளது. இதுகுறித்து பிரபல விமர்சகர் அந்தணன் கூறுகையில், ஐஸ்வர்யா ரஜினிகாந்த் கொடுத்த பேட்டியெல்லாம் ஏத்துக்கவே முடியாது. லால் சலாமால் லைகா புரோடக்‌ஷனுக்கு 40 கோடி வரை நஷ்டம். அதுகுறித்து ரஜினிகாந்தே லைகாவிடம் நீங்க எதுவும் யோசிக்காதீங்க.

அந்த நஷ்டத்தினை நான் சரிப்பண்ணிடுறேன் என்றாராம். மேலும் ஐஸ்வர்யா ரஜினிகாந்த் இயக்கத்தில் ஆர்வம் வைத்துக்கிட்டு வரலை. அவர் கணவர் சினிமாவில் டைரக்‌ஷன் செய்கிறார் என்பதுக்காகவே நான் செய்வேன் என்பதற்காக தான் ஒரு படத்தினை இயக்கினார். ஷூட்டிங்கில் பெரிய ஜூஸ் பாட்டிலுடன் ஆள் ஒருவர் நின்று கொண்டே இருப்பார்கள்.

எப்போதும் அதை குடித்துக்கொண்டு ஹாயாக தான் இருப்பார். இப்படி ஒரு இயக்குனரை யாரும் பார்த்து இருக்கவே மாட்டார்கள் எனவும் சினிமா வட்டாரங்களில் கிசுகிசுக்கின்றனர். இதனால் ரஜினி இன்னொரு படத்துக்கு ஐஸ்வர்யாவை இயக்க ஓகே சொல்லிடவே மாட்டார் எனவும் குறிப்பிட்டுள்ளனர்.