வெனிசுலா எதிர்க்கட்சித் தலைவரை பாராட்டிய டிரம்ப் 

வெனிசுலாவில் சிறந்த வேலையை மரியா கொரினா மச்சாடோ செய்து வருகிறார். அவர் ஒரு நல்ல பெண், மிகவும் நல்லவர். அவருடன் எங்களுக்கு நல்ல உறவு உள்ளது'' என அமெரிக்க அதிபர் டிரம்ப் தெரிவித்துள்ளார்.

நோபல் பரிசு பதக்கத்தை உங்களிடம் ஒப்படைத்த வெனிசுலாவின் எதிர்க்கட்சித் தலைவர் மரியா கொரினா மச்சாடோவுடன் பேசினீர்களா என்று நிருபர்களின் கேள்விக்கு ஜனாதிபதி டிரம்ப் அளித்த பதில் அளித்துள்ளதாவது,

ஆமாம், பேசினேன். எங்களுக்குள் ஒரு நல்ல உறவு இருக்கிறது. அவர் ஒரு நல்ல பெண், மிகவும் நல்லவர். அவர் நிறைய கஷ்டங்களை அனுபவித்திருக்கிறார். அதே நேரத்தில், நான் உங்களிடம் சொல்கிறேன். அவர் வெனிசுலாவில் ஒரு மிகச் சிறந்த வேலையைச் செய்கிறார்.

அதனால், இது சுவாரஸ்யமாக இருக்கிறது. நான் இரு தரப்பினருடனும் இணக்கமாக இருக்கிறேன். ஊடகங்களைத் தவிர மற்ற அனைவருடனும் நான் இணக்கமாக இருக்கிறேன். முதலில், நாம் நிறைய பணத்தை ஈட்ட வேண்டும்.

பல ஆண்டுகளாக நடந்தவற்றால் அவர்கள் (வெனிசுலா மக்கள்) நன்றாக வாழவில்லை. இது பல ஆண்டுகால சோசலிசம் மற்றும் அதைவிட மோசமான நிலை ஆகும். நாங்கள் மிக விரைவில் எண்ணெய் எடுக்கும் பணிகளைத் தொடங்கப் போகிறோம்.

எங்களிடம் உலகின் மிகப்பெரிய நிறுவனங்கள் உள்ளன. இது அமெரிக்காவிற்கு நிறைய பணத்தை ஈட்டித் தரும். மேலும் வெனிசுலாவிற்கும் நிறைய பணத்தை ஈட்டித் தரும். இது எண்ணெய் விலைகளையும் மேலும் குறைக்கும்.

மளிகைப் பொருட்கள் மற்றும் ஏறக்குறைய எல்லாவற்றின் விலைகளும் மிக வேகமாக குறைந்து வருகின்றன. அவை இன்னும் அதிகமாகக் குறையத் தொடங்கியுள்ளன.

நாங்கள் ஐக்கிய நாடுகள் சபையுடன் இணைந்து பணியாற்றுவோம். ஐக்கிய நாடுகள் சபைக்கு பெரும் ஆற்றல் இருக்கிறது என்று நான் எப்போதும் கூறி வருகிறேன், ஆனால் அவர்கள் அதை முழுமையாகப் பயன்படுத்திக் கொள்ளவில்லை.

எட்டுப் போர்கள் நடந்தன, ஆனால் நான் ஒருபோதும் அவர்களுடன் பேசவில்லை. அமைதி வாரியத்துடன் இணைந்து பணியாற்றுவது ஐக்கிய நாடுகள் சபைக்கு ஒரு நல்ல விஷயமாக இருக்கும் என்று நான் நினைக்கிறேன். இவ்வாறு அதிபர் டிரம்ப் கூறினார்.