Alcohol-அல்லெரி நரேஷின் புதிய அத்தியாயம்

சினிமா

தெலுங்கு நடிகரான நரேஷ் 2002 ஆம் ஆண்டு வெளியான அல்லெரி படத்தின் மூலம் கதாநாயகனாக அறிமுகமானார். அப்படத்தின் வெற்றிக்கு பிறகு அல்லெரி நரேஷ் என மக்களால் அன்போடு அழைக்கப்பட்டார். அதன் பிறகு பல வெற்றி திரைப்படங்களில் நடித்தார். இவரது நடிப்பில் கடைசியாக பச்சல மல்லி என்ற திரைப்படம் வெளியானது.

இந்நிலையில் அல்லெரி நரேஷ் தெலுங்கு திரையுலகின் பிரபல தயாரிப்பு நிறுவனமான சித்தாரா எண்டெர்டெயின்மண்ட் மற்றும் பிரபல இயக்குநரான திரிவிக்ரம் ஸ்ரீநிவாஸ் மற்றும் நாக வம்சி இணைந்து தயாரிக்கும் அடுத்த திரைப்படத்தில் நடிக்கிறார்.

இப்படத்திற்கு ஆல்கஹால் என தலைப்பு வைத்துள்ளனர். இப்படத்தை மெஹெர் தேஜ் எழுதி இயக்குகிறார். இது ரசிகர்கள் மத்தியில் இப்படத்தின் மீது பெரும் எதிர்ப்பார்ப்பை உருவாக்கியுள்ளது. படத்தை பற்றிய கூடுதல் தகவல் விரைவில் வெளியாகும் என எதிர்ப்பார்க்கப்படுகிறது.