கமல்ஹாசனின் தக் லைஃப் திரைப்படம் நாளை திரையரங்குகளில் வெளியாகிறது
சினிமா
பிரபல இயக்குனர் மணிரத்னம் இயக்கத்தில் கமல் மற்றும் சிலம்பரசன் முன்னணி கதாப்பாத்திரத்தில் நடித்துள்ள படம் 'தக் லைஃப்'. இப்படத்தில் திரிஷா, ஜோஜு ஜார்ஜ், அசோக் செல்வன், நாசர், அபிராமி மற்றும் பலர் முக்கிய கதாப்பாத்திரத்தில் நடித்துள்ளனர்.
மெட்ராஸ் டாக்கீஸ், ராஜ்கமல் பிலிம்ஸ் இன்டர்நேஷனல் மற்றும் ரெட் ஜெயன்ட் மூவிஸ் நிறுவனம் இணைந்து தயாரிக்கும் இப்படத்திற்கு ஏ.ஆர்.ரகுமான் இசையமைத்துள்ளார்.
அண்மையில் வெளியான இப்படத்தின் டிரெய்லர் மக்களிடையே வரவேற்பை பெற்றது. இந்நிலையில், தக் லைஃப் திரைப்படம் நாளை வெளியாகவுள்ளதால் கமல் ரசிகர்கள் உற்சாகம் அடைந்துள்ளது.
நாளை படம் வெளியாவதை ஒட்டி தக் லைஃப் படக்குழு புதிய போஸ்டர் ஒன்றை வெளியிட்டுள்ளது. உலகெங்கும் வெளியாகும் இத்திரைப்படம் கர்நாடகாவில் மட்டும் தற்போது வெளியாகவில்லை.
இப்படத்தின் ப்ரோமோஷன் நிகழ்ச்சி ஒன்றி கன்னட மொழி தமிழில் இருந்து தான் பிறந்தது எஎன்று கமல் பேசியதற்கு மன்னிப்பு கேட்கவேண்டும் என்று கர்நாடக உயர்நீதிமன்றம் வலியுறுத்தியது. இதற்காக மன்னிப்பு கேட்க மறுத்த கமல் கர்நாடகா வெளியீட்டை ஒத்தி வைத்துள்ளார்.
இந்நிலையில், தக் லைஃப் திரைப்படத்தை இணையத்தில் சட்டவிரோதமாக வெளியிட தடை விதித்து சென்னை உயர்நீதிமன்றம் உத்தரவிட்டுள்ளது.
