பிரேமம் இயக்குநர் வெளியிட்ட அதிர்ச்சி அறிவிப்பு - சோகத்தில் ரசிகர்கள்

சினிமா

பிரேமம் திரைப்படத்தின் இயக்குநர் அல்போன்ஸ் புத்திரன்  ”இனிமேல் தான் திரைப்படம் இயக்கப்போவதில்லை” என அறிவித்துள்ளமை  மலையாளத் திரையுலகிலும், ரசிகர்கள் மத்தியிலும் பெரும் அதிர்சியை ஏற்படுத்தியுள்ளது.

இது குறித்து அவர் தனது  சமூக வலைதளப் பக்கத்தில் பதிவிட்டுள்ளதாவது” எனக்கு ‘ஓட்டிசம் ஸ்பெக்ட்ரம் குறைபாடு’ கண்டறியப்பட்டுள்ளது. இதனால் திரையரங்குகளுக்கான படங்கள் இயக்குவதை நிறுத்திக்கொள்ளவுள்ளேன். அத்துடன் நான் யாருக்கும் பாரமாக இருக்க விரும்பவில்லை. பாடல் வீடியோக்கள், குறும்படங்கள், அதிகபட்சம் OTTயில் ஏதேனும் செய்ய முயல்வேன்” இவ்வாறு பதிவிட்டுள்ளார்.

” அல்போன்ஸ் புத்திரனின் இயக்கத்தில் நிவின் பவுலி, சாய் பல்லவி, மடோனா செபாஸ்டியன் மற்றும்  அனுபமா பரமேசுவரன் ஆகியோரின் நடிப்பில் கடந்த  2015ஆம்  ஆண்டு வெளிவந்த பிரேமம் திரைப்படமானது  ரசிகர்கள் மத்தியில் பெரும் வரவேற்பைப்  பெற்றிருந்தது என்பது குறிப்பிடத்தக்கது.