ஒயின் குடித்தபடி பிறந்தநாளை கொண்டாடிய பிக்பாஸ் ரச்சிதா... 

சினிமா

பிக்பாஸ் பிரபலம் ரச்சிதா மகாலட்சுமி இன்று தனது 33-வது பிறந்தநாளை தன்னுடைய புது வீட்டில் கொண்டாடி வருகின்றார். குறித்த காணொளி தற்போது இணையத்தை ஆக்கிரமித்து வருகின்றது. 

பிரபல தொலைக்காட்சியில் ஒளிபரப்பான பிரிவோம் சந்திப்போம் தொடர் மூலம் அறிமுகமானவர் தான்  ரச்சிதா மகாலட்சுமி.

பின்னர் சரவணன் மீனாட்சி தொடரின் இரண்டாம் பாகத்தில் நடிகர் ரியோவுக்கு ஜோடியாக மீனாட்சி என்கிற கதாபாத்திரத்தில் நடித்ததன் மூலம் மக்கள் மத்தியில் நல்ல வரவேற்பை பெற்றார். 

பின்னர் நாம் இருவர் நமக்கு இருவர் தொடரில் நடித்த ரச்சிதா, அந்த தொடர் முடிந்ததும் பிக்பாஸ் நிகழ்ச்சியில் போட்டியாளராக கலந்துகொண்டார்.

பிக்பாஸ் நிகழ்ச்சியின் ஆறாவது சீசனில் ரச்சிதா போட்டியாளராக கலந்துகொண்டபோது அதில் ராபர்ட் மாஸ்டர் அவரை காதலித்தது இணைத்தில் வைரலானது.

ரச்சிதாவுக்கு ஏற்கனவே சீரியல் நடிகர் தினேஷ் உடன் திருமணமாகி தற்போது இருவரும் மனக்கசப்பின் காரணமாக விவாகரத்து செய்யாமலேயே பிரிந்து வாழ்ந்து வருகின்றனர்.

பிக்பாஸ் நிகழ்ச்சிக்கு பின்னர் சீரியல்களில் நடிப்பதை நிறுத்திவிட்டு சினிமாவில் கவனம் செலுத்தி வருகிறார்.தமிழில் நடிகை ரச்சிதா நடிப்பில் தற்போது ஃபயர் திரைப்படம் வெளியாக இருக்கின்றது. 

இப்படத்தில் பாலாஜி முருகதாஸ் ஹீரோவாக நடித்துள்ளார். மேலும் சாக்‌ஷி அகர்வால், சாந்தினி, சுரேஷ் சக்ரவர்த்தி என மிகப்பெரிய நட்சத்திர பட்டாளமே நடித்துள்ள இப்படத்தை ஜே.எஸ்.கே இயக்கி உள்ளார்.

இந்நிலையில் தன்னுடைய பிறந்தநாளை தன்னுடைய வீட்டில் தனது தாயாருடன் கொண்டாடி இருக்கிறார்.

அதுமட்டுமின்றி தன்னுடைய புதுவீட்டில் தான் கொண்டாடும் முதல் பிறந்தநாள் இது என்றும், பிறந்தநாளன்று ஒயின் குடித்தபடி போஸ் கொடுத்து பாடல் கேட்டப்படி காணொளியொன்றை வெளியிட்டுள்ளார்.

குறித்த காணொளி தற்போது இணையத்தில் அசுர வேகத்தில் பரவி வருவதுடன் வாழ்த்துக்களையும் குவித்து வருகின்றது.