இணையத்தில் லீக்கான லியோ திரைப்படம்
சினிமா
லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள திரைப்படம் 'லியோ'. இப்படத்தை செவன் ஸ்கிரீன் ஸ்டூடியோஸ் சார்பில் லலித் குமார் தயாரித்துள்ளார். இந்த படத்தில் அர்ஜுன், சஞ்சய் தத், திரிஷா, பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன், சாண்டி, மேத்யூ தாமஸ் உள்ளிட்ட பலர் நடித்துள்ளனர். இந்த படத்திற்கு அனிருத் இசையமைத்துள்ளார். இப்படம் இன்று ரசிகர்களின் கொண்டாட்டத்துடன் திரையரங்குகளில் வெளியானது.
இந்நிலையில் 'லியோ' படம் குறித்த செய்தியால் விஜய் ரசிகர்கள் அதிர்ச்சியில் உள்ளனர். அதாவது, 'லியோ' திரைப்படத்தின் தியேட்டர் பிரிண்ட் இணையத்தில் லீக்காகியுள்ளது. மக்கள் பலர் இப்படத்தை இணையத்தின் மூலம் பார்த்து வருகின்றனர். நீதிமன்ற உத்தரவையும் தாண்டி படம் வெளியான சில மணி நேரங்களில் இணையத்தில் லீக்கானது அதிர்ச்சியையும் குழப்பத்தையும் ஏற்படுத்தியுள்ளது.
