4 ஆண்டு Datingக்கு பின் காதலரை மணந்த பிரபல அமெரிக்க நடிகை
பிரபல அமெரிக்க நடிகையான ஜோயி கிங், தனது நீண்ட நாள் காதலரான ஸ்டீவன் பியட்-ஐ திருமணம் செய்துகொண்டார்.
தி டார்க் நைட் ரைஸஸ், கான்ஜூரிங், தி கிஸ்ஸிங் பூத் சீரீஸ், புல்லட் ட்ரெயின் படங்களில் நடித்து புகழ்பெற்றவர் ஜோயி கிங் (24).
இவரும் Uncle John படத்தின் இயக்குநர் ஸ்டீவன் பியட்டும் நான்கு ஆண்டுகளாக டேட்டிங் செய்து வந்தனர். 2021ஆம் ஆண்டு புல்லட் ட்ரெயின் பிரீமியர் சிவப்பு கம்பளத்தின் மீது இந்த ஜோடி முதல் முறையாக பொதுவெளியில் தோன்றியது.
அதனைத் தொடர்ந்து 2022ஆம் ஆண்டு பிப்ரவரி மாதத்தில் ஸ்டீவன் - ஜோயி நிச்சயதார்த்தம் செய்துகொண்டனர்.
இந்த நிலையில் காதல் ஜோடி ஸ்பெயினில் உள்ள மல்லோர்கவில் திருமண பந்தத்தில் இணைந்துள்ளனர். நட்சத்திர ஜோடிக்கு ரசிகர்கள் தங்கள் வாழ்த்துக்களை தெரிவித்து வருகின்றனர்.
திருமணத்திற்கு சில நாட்களுக்கு முன், ஜோயி கிங் தன்னையும் பியட்டையும் இணைத்து போர்த்துக்கலில் எடுத்துக் கொண்ட புகைப்படங்களைப் பகிர்ந்து கொண்டார்.
தங்கள் அழகான காதல் அனுபவத்தை பகிர்ந்த ஜோயி கிங், ''காதல் குளிர்ச்சியானது! காதல் மகத்தானது! காதல் என்பது the Fonte dos Amores முன் முத்தமிடுவதும், பல Caipirinhasகளை ஒன்றாக வைத்திருப்பதும் ஆகும்'' என குறிப்பிட்டார்.
