தொழிற்சங்கங்களை நசுக்கும் வகையில் செயற்படப் போவதில்லை - சுகாதார நிபுணர்கள் சங்கம்
இலங்கை
நாளையதினம் முன்னெடுக்கப்படவிருந்த பணிப்புறக்கணிப்பை தற்காலிகமாக இடைநிறுத்துவதற்கு சுகாதார தொழிற்சங்கங்கள் தீர்மானித்துள்ளன.
பணிப்புறக்கணிப்பு குறித்து சுகாதார அமைச்சின் செயலாளரோடு இடம்பெற்ற விசேட கூட்டத்தின் பின்னர் இந்த தீர்மானம் எட்டப்பட்டதாக சுகாதார நிபுணர்கள் சங்கத்தின் தலைவர் ரவி குமுதேஷ் தெரிவித்துள்ளார்.
இவ்விடயம் தொடர்பாக அவர் மேலும் தெரிவிக்கையில், “வேலைநிறுத்தம் குறித்து கலந்துரையாடுவதற்காக சுகாதார செயலாளர் இன்று முன்னெடுத்த விசேட கூட்டத்தின் பின்னர் இந்த தீர்மானம் எட்டப்பட்டது.
நிறுவனங்களின் விதிகளின் கீழ் தொழிற்சங்கங்கள் கட்டளைச் சட்டம் தொடர்பாக, சுகாதாரச் செயலாளரால் வெளியிடப்பட்ட சுற்றறிக்கையானது தொழிற்சங்கத் தலைவர்களுக்கு ஆதரவாக மறைக்கப்பட்டது.
இந்த நிலையில் சுற்றறிக்கை நிறுவனங்களின் குறியீட்டின்படி உள்ளது. பிரதானிகளுக்கு வழங்கப்பட்ட அந்த உரிமைகள் தொழிற்சங்கங்களுக்கு வழங்கப்படவில்லை.
தொழிற்சங்கங்களுக்கு இன்னும் அந்த உரிமை உள்ளது. மேலும், தொழிற்சங்கங்களை நசுக்கும் வகையில் செயற்பட போவதில்லை. வேலை நிறுத்தத்தை தற்காலிகமாக இடைநிறுத்த தீர்மானித்துள்ளோம்.
நோயாளிகளின் உரிமைகளைப் பாதுகாப்பது, சுகாதார சேவைகளின் நல்வாழ்வைத் தவிர சுகாதார நிபுணர்களுக்கு வேறு எந்த நோக்கமும் இல்லை” என அவர் மேலும் குறிப்பிட்டுள்ளார்.
