சிறிலங்காவில் விரைவில் மேற்கொள்ளப்படவுள்ள அமைச்சரவை மாற்றத்தின் போது ஜனதிபதி மஹிந்தராஜபக்சவின் மகனான பாராளுமன்ற உறுப்பினர் நாமல் ராஜபக்ஷவின் நீலப்படை அமைப்பைச் சேர்ந்த சில பாராளுமன்ற உறுப்பினர்களுக்கு அமைச்சுப் பொறுப்புகள் வழங்கப்படவுள்ளதாகத் தெரிய வருகிறது. இதன்படி நாமல் ராஜபக்ஷவுக்கு நீதியமைச்சு பொறுப்பும் வழங்கப்படவுள்ளது எனவும் கொழும்பு வட்டாரங்கள் தெரிவித்துள்ளன.மனுஷ நாயக்கார, சனத் ஜயசூரிய, உதித் லொக்கு பண்டார, லக்ஷ்மன் வசந்த ஆகியோருக்கும் அமைச்சு பொறுப்புகள் வழங்கப்படவுள்ளன. இதேவேளை, பாராளுமன்ற உறுப்பினரான சரத் விஜயசேகரவுக்கு சிவில் பாதுகாப்பு அமைச்சு வழங்கப்படவுள்ளது.

மேலும் தற்போதைய அமைச்சர்களான மைத்திரிபால சிறிசேன, சுசில் பிரேமஜயந்த் ஆகியோரின் தற்போதைய அமைச்சுகளிலும் மாற்றம் செய்யப்படவுள்ளன. அத்துடன் பிரதமராக தற்போதைய வெளிவிவகார அமைச்சர் ஜீ.எல். பீரிஸ் நியமிக்கப்படுவது பெருபாலும் உறுதியாகி உள்ளது என்றும் அந்தச் செய்திகள் தெரிவிக்கின்றன.