கிழக்கு மாகாணத்தில் எதிர்க்கட்சிகளுடன் இணைந்து கூட்டாக ஆட்சி செய்ய விரும்புவதாகக் குறிப்பிட்டுள்ள கிழக்கு மாகாண முதலமைச்சர் நஜீப் ஏ மஜீட், நிர்வாகத்தில் பங்கெடுக்குமாறு தமிழ்த் தேசியக் கூட்டமைப்பிற்கு அழைப்பு விடுத்துள்ளார்.

எதிர்க்கட்சிகளுடன் கூட்டாக இணைந்து ஆட்சி நடாத்துவதன் மூலம் பிரதேசத்தின் அபிவிருத்தியை மேம்படுத்த முடியும்.

கட்சி, நிற பேதங்களை களைந்து ஒன்றிணைந்து செயற்படுவதன் மூலம் வெற்றிகரமான பயணமொன்றை முன்னெடுக்க முடியும் என அவர் குறிப்பிட்டுள்ளார்.

இதேவேளை, இவ்வாறான ஓர் அழைப்பு எதுவும் தமக்கு இதுவரையில் கிடைக்கவில்லை என தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்துள்ளார்.