அடுத்த 8 ஆம் திகதி மாகாணசபைத் தேர்தல் முடிந்த கையேடு அமைச்சரவையில் மாற்றம் செய்வதற்கு அரசு தீர்மானித்துள்ளது. இதன்படி ஒக்டோபர் முதல் வாரத்தில் இந்த அமைச்சரவை மாற்றம் நடைபெறும். முக்கியமான ஏழு அமைச்சர்கள் மாற்றப்படுவர் என்று அரச  தரப்புத் தகவல்கள் இன்று  தெரிவித்தன.

வெளிவிவகாரம், வர்த்தகம், சுகாதாரம் ஆகிய அமைச்சுகளுக்குப் புதிய அமைச்சர்களாக எவரை நியமிப்பது என்பது குறித்து அரச உயர்மட்டம் தற்போது ஆராய்ந்து வருகிறது எனக் கூறப்படுகிறது.

எதிர்வரும் எட்டாம் திகதி நடைபெறவுள்ள மாகாணசபைத் தேர்தலின் முடிவுகளின் பிரதிபலிப்பும் இந்த அமைச்சரவை மாற்றத்தில் தாக்கத்தைச் செலுத்துமென எதிர்பார்க்கப்படுகின்றது. 

இதற்கிடையில் உடல்நலமற்ற நிலையில் ஸ்ரீலங்காவின் பிரதமர் டி.எம்.ஜயரட்ன இருப்பதால் அவருக்குப் பதிலாக  வேறொருவரை நியமிக்க நடவடிக்கை எடுக்குமாறு அரசின் மூத்த உறுப்பினர்கள் விடுத்த வேண்டுகோளை ஜனாதிபதி மஹிந்த ராஜபக்ஷ நிராகரித்திருப்பதாகவும் தெரிவிக்கப்படுகின்றது.