சிறிலங்கா அதிபர் மகிந்த ராஜபக்ச ஐ.நா பொதுச்சபைக் கூட்டத்தில் பங்கேற்க அடுத்தமாதம் நியுயோர்க் செல்லவுள்ளார்.ஐ.நா பொதுச்சபையில் ஆண்டுதோறும் இடம்பெறும் உலகத் தலைவர்களின் கூட்டம் வரும் செப்ரெம்பர் 25ம் நாள் ஆரம்பமாகவுள்ளது.இதில் இரண்டாம் நாள் பிற்பகல் அமர்வில் சிறிலங்கா அதிபர் மகிந்த ராஜபக்ச உரையாற்றவுள்ளார்.அவரது உரை வரும் செப்ரெம்பர் 26ம் நாள் இடம்பெறவுள்ளதாக ஐ.நாவின் அதிகாரபூர்வ நிகழச்சி நிரலில் குறிப்பிடப்பட்டுள்ளது.